🤓平時打邊爐，唔係係屋企🏠，就可能係酒樓，或者🐮牛咩。你有冇諗過，打邊爐都可以好lady💁🏻♀️，好優雅？🤗🤗
今次介紹嘅係網紅火鍋店🫕 - 香江花月！佢由裝修，到食物全部都好適合打卡📸，除咗座位、牆身同燈飾💡好靚之外，佢仲特登有兩個位俾你打卡，一個係好似舞台嘅位置，一個係有好多白色波波⚪️嘅幻燈鏡房，一次過滿足你食😋同打卡📱嘅需要。
不過話晒都火鍋店，除咗打卡，最重要都係食😌！一坐低，餐廳會先送上一杯welcome drink，係一杯龍眼茶🍵，清清甜甜，夠晒涼爽開胃🥳！
之後就點個湯底，因次今次聚餐多女士👩🏼🤝👩🏻，所以揀咗養顏保身嘅日本牛乳玫瑰🥛🌹！食物方面主要都係點佢嘅重點款式：香江拼（牛🐂）、花滿園（豬🐖&羊🐑）、三色丸、三菇陸菌🥬🍄，仲有魚片頭🐟同炸蠔🦪。
個香江拼真心正🤩，都無試過食牛食到咁仔細，全部都超水準發揮，真係嫩滑，真係充滿牛味架喎😍，而家仲要擺盤擺得咁靚🥰！其他都非常好食，我地一行四人，個個都食到好滿足！
絕對推薦俾擁有少女心💖、想打卡、想偷得浮生半日閒😚嘅你！好好享受視覺同味覺嘅極致體驗。
香江花月 (佐敦)
佐敦佐敦道35號百誠大廈2樓
Search